Qashqadaryoda yana 24 nafar fuqaroning uy-joy huquqlari e’tirof etildi!
Joriy yilning 10-aprel kuni ilk marotaba 18 nafar fuqaroning “O‘zboshimchalik bilan egallab olingan yer uchastkalari hamda ularda qurilgan binolar va inshootlarga bo‘lgan huquqlarni e’tirof etish to‘g‘risida”gi Qonun asosida uy-joylariga egalik huquqi tan olingani haqida xabar bergan edik.
Bugun esa, Xalq deputatlari viloyat Kengashining navbatdagi sessiyasida yana 24 nafar fuqaroga uy-joyga nisbatan mulk va ijara huquqlari rasman e’tirof etildi.
Hududlar bo‘yicha:
Dehqonobod tumani — 9 nafar
Chiroqchi tumani — 4 nafar
Shahrisabz shahri — 1 nafar
Nishon tumani — 2 nafar
G‘uzor tumani — 4 nafar
Qamashi tumani — 4 nafar
Endilikda ushbu fuqarolar o‘z uy-joylari va yer uchastkalari ustidan qonuniy huquqlarga ega bo‘lishadi! Bu esa ularning mulkiy huquqlari himoya qilinishini va rasmiy tartibda foydalanish imkonini beradi!
