Joriy yilning 1-noyabr sanasida Kadastr agentligi vakillari hamda Shvetsiyaning "Hexagon Geospatial" kompaniyasi Yevropa va MDH davlatlari bo'yicha sotuv ishlari direktori Aleksander Tasev hamda kompaniyaning rasmiy distribyutori hisoblangan "Softprom" kompaniyasi vakili Sergiy Makarov o'rtasida uchrashuv bo'lib o'tdi.
Uchrashuvda:
Yerni masofadan turib zondlash, geodeziya va kartografiya sohalarida zamonaviy dasturiy ta'minot yechimlarini qo'llash;
Kompaniya mahsuloti hisoblangan Erdas Imagine, Erdas Appolo va M.App Enterprice dasturlarining texnik imkoniyatlari muhokama qilindi.
Uchrashuv yakuniga ko'ra kompaniya tomonidan taklif etilgan dasturlardan foydalanish bo'yicha Agentlik mas'ul xodimlari uchun maxsus onlayn uchrashuv o'tkazish kelishib olindi.
