Farg‘ona viloyati boshqarmasi Toshloq tumani bo‘limi xodimlari nazorat tadbirlari vaqtida "Piyozchilik" MFY Faxr ko‘chasi hududida fuqaro 80 kv. metr yer maydonini o‘zboshimchalik bilan egallab olib yengil tipda naves qurib olganligi aniqlandi. Shundan so‘ng, yer qonunbuzarlikni sodir etgan shaxsga tushuntirish ishlari olib borildi hamda uning huquqiy oqibatlari tushuntirildi hamda noqonuniy qurilma fuqaro tomonidan joyning o‘zida bartaraf etildi.

Andijon viloyati boshqarmasi Marhamat tumani bo‘limi inspektorlari tomonidan Rohat mahallasi Obihayot ko‘chasida yashovchi fuqaro tomonidan o‘ziga tegishli bo‘lmagan yer maydoni o'zboshimchalik egallab olinib, unda noqonuniy qurilishlar qilingani aniqlandi. Holat yuzasidan fuqaroga tegishli tartibda ma'muriy bayonnoma rasmiylashtirilib, bartaraf etish bo‘yicha yozma ko‘rsatma berilgan.

Surxondaryo viloyati boshqarmasi Sherobod tumani bo‘limi inspektorlari tomonidan yer nazorat tadbirlarida “Uzunsoy” MFY hududida yashovchi fuqaro o‘zining savdo do‘koniga tutash bo‘lgan davlat zaxirasida bo‘lgan 0.02 gektar yer maydonini o‘zboshimchalik bilan egallab olib, qurilish ishlari olib borayotgani aniqlandi. Shundan so‘ng yer qonunbuzarlikni sodir etgan shaxsga tushuntirish ishlari olib borildi hamda noqonuniy qurilma fuqaro tomonidan joyning o‘zida bartaraf etildi.

Jizzax viloyati boshqarmasi G‘allaorol tumani bo‘limi inspektorlari nazorat tadbirlari vaqtida fuqaro tomonidan “Xonimqo‘rg‘on” QFY hududidan 20 sotix yer  maydoni oʻzboshimchalik bilan egallanib, 260 kv.metr qismiga qurilish qurib olganligi aniqlandi. Ushbu holat yuzasidan fuqaroga nisbatan MJtKning 60-moddasi, 2-qismi bilan dalolatnoma tuzilib, ma'muriy bayonnoma rasmiylashtirildi.