Kadastr agentligi organlari tomonidan joriy yil 1-yarmida yer va kadastr nazorati sohasidagi huquqbuzarliklarga barham berish borasida o‘tkazilgan nazorat tadbirlari natijasida 31 134 holatda huquqbuzarliklar aniqlangan.
Kadastr organining ko‘rsatmasiga asosan, huquqbuzarlikni birinchi marta sodir etgan, o‘zboshimchalik bilan egallangan yer uchastkasini qaytarilishini taʼminlagan va uning oqibatlarini bartaraf etgan 10 199 nafar shaxs jami 88 mlrd 434 mln so‘m maʼmuriy jarimalardan ozod etildi.
Shuningdek, huquqbuzarlik sodir etgan 17 259 nafar shaxsga nisbatan maʼmuriy jarimalar qo‘llanildi.
Jumladan:
5 783 nafar shaxs ko‘chmas mulkka bo‘lgan huquqlarni o‘z vaqtida davlat ro‘yxatidan o‘tkazmaganligi uchun;
3 959 nafar shaxs yer uchastkalarini o‘zboshimchalik bilan egallab olganligi uchun;
6 335 nafar shaxs o‘zboshimchalik bilan egallab olingan yer uchastkasida qurilish ishlarini amalga oshirganligi uchun maʼmuriy javobgarlikka tortildi.
Yer resurslarini talon-taroj qilgan va sug‘oriladigan yerlarni qurilish qilgan holda o‘zboshimchalik bilan egallab olgan 1 046 nafar shaxsga nisbatan to‘plangan materiallar prokuratura organlariga yuborildi, prokuratura organlari tomonidan 418 ta materiallar bo‘yicha jinoyat ishlari qo‘zg‘atildi.
