O‘zbekiston Respublikasi Prezidenti farmoni bilan 2018-yilda ta’sis etilgan “Mo‘tabar ayol” ko‘krak nishoni mukofot jamiyat va davlat hayotida faollik, tashabbuskorlik ko‘rsatgan, o‘zining samarali mehnati bilan oilalarning mustahkamlanishiga, sog‘lom va barkamol avlodni voyaga yetkazish, ularni vatanparvarlik, istiqlol g‘oyalariga sadoqat ruhida tarbiyalash, ma’naviy-axloqiy muhitni sog‘lomlashtirish va milliy qadriyatlarimizni keng targ‘ib etishda ibratli faoliyat olib borayotgan xotin-qizlarga berib kelinmoqda.
Joriy yilning 5-mart kunida Davlat boshqaruvi akademiyasida bo'lib o'tgan navbatdagi taqdirlov marosimida 900 ga yaqin nomzodlar orasidan tanlab olingan Kadastr agentligining Yerni masofadan turib zondlash, geodeziya va kartografiya bo‘limi bosh mutaxassisi Yusupjanovna Amina Mexraliyevna ham taqdirlandi.
Kadastr agentligi jamoasi Amina Mexraliyevnani navbatdagi yutug'i bilan samimiy tabriklaydi hamda kelgusidagi faoliyatida muvaffaqiyat tilaydi.
