Strategik hamkorlik kengashining uchinchi yig‘ilishi yakunida O‘zbekiston Respublikasi Prezidenti Shavkat Mirziyoyev va Turkiya Respublikasi Prezidenti Rejep Tayyip Erdog‘an Keng qamrovli strategik sheriklikni chuqurlashtirish to‘g‘risida qo‘shma deklaratsiyani imzoladilar.

Bundan tashqari, ikki mamlakat rahbarlari huzurida ko‘p qirrali sheriklikning ko‘plab sohalarini qamrab olgan 19 ta hujjat imzolandi. Kadastr masalalari bo‘yicha hamkorlik to‘g‘risida bayonnoma ham shular jumlasidandir.

Mazkur Bayonnomaning maqsadi ko‘chmas mulkka bo‘lgan huquqlarni davlat ro‘yxatidan o‘tkazish, kadastr, geodeziya va fotogrammetriya, kartografiya, fazoviy maʼlumotlar infratuzilmasini rivojlantirish, yer va kadastr nazorati va axborot texnologiyalari sohasida  hamkorlik va tajriba almashish hisoblanadi