Toshkent shahar boshqarmasi inspektorlari tomonidan Yangihayot tumanida dronlar yordamida oʻtkazilgan yer nazorati tadbirlarida bir qator yer qonunbuzilish holatlari qayd etildi. Tumanning “Yangi Gulzor” MFY, Gulzor koʻchasi hududida fuqaro tomonidan oʻzboshimchalik bilan egallangan 200 kv.m. yer maydonida noqonuniy qurilma qurilganligi aniqlandi.Qonunchilikda yer qonunbuzilish holatlari bo'yicha ma'muriy va jinoiy javobgarlik mavjudligi tushuntirilganda fuqaro tomonidan o'z xohishi bilan ushbu yer maydonining o'z holatiga qaytarilishi ta'minlandi.

Sirdaryo viloyati Sardoba tumanida oʻtkazilgan navbatdagi yer nazorati tadbirlarida 2 ta holatda davlat zahirasidagi yerlar o'zboshimchalik bilan egallanib unda molxona va omborxona binolari qurilganligi aniqlandi. Fuqarolarga ushbu holatning huquqiy oqibatlari tushuntirildi hamda noqonuniy qurilma joyning o'zida bartaraf etildi.