Farg‘ona viloyati boshqarmasi Toshloq tumani bo‘limi xodimlari nazorat tadbirlari vaqtida "Bo'ston" MFY Bo'ston ko'chasi hududida, fuqaro tomonidan 90 kv.metr yer maydonini o'zboshimchalik bilan egallab olib, noqonuniy qurilma qurib olganlik holati aniqlandi. Shundan so‘ng yer qonunbuzilishini sodir etgan shaxsga tushuntirish ishlari olib borildi hamda noqonuniy qurilma fuqaro tomonidan joyning o'zida bartaraf etildi.
Navoiy viloyati boshqarmasi Zarafshon shahar bo'limi inspektorlari tomonidan "Yangi-Zarafshon" MFY hududida fuqarolar tomonidan jami 1 100 kv.metr yer maydoni hech qanday hujjatlarsiz egallab olinib shundan 295 kv.metr yer maydoniga uy joy qurilishi boshlab yuborilganligi aniqlandi. Holat yuzasidan Zarafshon shahar inspektorlari tomonidan qonunbuzilish holatlarini sodir etgan fuqaroga nisbatan MJtKning 60-moddasi 3-qismi bilan ma'muriy javobgarlikka tortildi.
Samarqand viloyati boshqarmasining Samarqand tuman bo‘limi tomonidan "Quyi Qaynama" MFY hududida yer nazorati tadbirlari o‘tkazilganda fuqaro tomonidan hech qanday huquqiy hujjatlarsiz o‘ziga tegishli bo‘lgan binoga tutash hududdan 37 kv.metr yer maydoni o‘zboshimchalik bilan egallab olib, noqonuniy qurilish (ayvon) qurib olganligi aniqlandi.
