Kadastr agentligi va “LX kosortsiumi” o‘rtasida grant asosida qabul qilib olinadigan beg‘araz texnik yordam yuzasidan uchrashuv bo‘lib o‘tdi.

Uchrashuv kun tartibidan Kadastr agentligining “Fazoviy ma’lumotlar infratuzilmasi, geodeziya, kadastr yo‘nalishida kadrlarni qayta tayyorlash va ularning malakasini oshirish markazi”ning ta’lim jarayoni uchun:
 ta’lim va ma’muriy jarayonlar uchun qabul qilib olinadigan texnik va texnologik yechimlar;
 dasturiy ta’minotlar; 
 masofaviy ta’lim uchun mo‘ljallangan axborot tizimining modullari, 
 ularni sinovdan o‘tkazish masalalari o‘rin oldi.

 Shuningdek, Dron uchirish simulyatori, sur’atlarini qayta ishlash, GNSS o‘lchovi uchun uchun mo‘ljallangan dasturiy ta’minotlarning sinov foydalanuvi o‘tkazildi.

 Uchrashuv yakuniga ko‘ra tomonlar:

 geodezik o‘lchash va nazorat ishlariga mo‘ljallangan mobil laborotoriya;
 yer ma’lumotlari bilan tanishtirish maqsadida turli yosh kategoriyalarini inobatga olgan simulyativ va ko’rgazmaviy qurilmalarni kengaytirish;  
 o‘quv dasturlari kengaytirish uchun zamonaviy qurilmalar asnosida amalga oshiriladigan ta’lim yo‘nalishini ishlab chiqish yuzasidan kelishuvga erishildi.