Joriy yilning 7-13 may kunlari Kadastr agentligi hamda Statistika agentligi xodimlaridan iborat delegatsiya “BMTning Urbanizatsiya darajasini aniqlashtirish metodologiyasini amalga oshirish” bo‘yicha 🇰🇿 Qozog‘istonda bo‘lib o‘tgan mintaqaviy seminarida ishtirok etdi.
Mintaqaviy seminar - BMTning 2020-yil mart oyidagi 51-sessiyada Statistika komissiyasi tomonidan maʼqullangan metodologiyani O‘rta Osiyo davlatlari hamda Ozarbayjon o‘rganishi va tatbiq etishi uchun Birlashgan Millatlar Tashkiloti Statistika bo‘limi hamda Yevropa komissiyasi tomonidan tashkil etildi.
Ma’lumot o‘rnida: BMT metodologiya 2030-yilgacha Barqaror rivojlanish loyihasi va Birlashgan Millatlar Tashkilotining boshqa siyosiy loyihalarini amalga oshirish monitoringi uchun shahar va qishloqlar rivojlanishi bilan bog‘liq turli ko‘rsatkichlarni xalqaro va mintaqaviy darajada taqqoslash imkonini beradi.
