Tumandagi «Xolimbeg» OFY hududida Davlat ro‘yxatidan o‘tkazilmagan 700 ga yaqin ko‘chmas mulklarni mavjudligi sabab fuqarolarning kadastr sohasi bo‘yicha murojaatlarini qabul qilish uchun shtab tashkil qilindi.
Unda tegishli idoralar yaʼni, Davlat kadastrlari palatasi Amudaryo tumani filiali, tuman arxiv bo‘limi, davlat xizmatlari markazi va qurilish bo‘limlari bilan birgalikda aholining ko‘chmas mulklarining kadastr pasportini shakllantirish va mulkka bo‘lgan huquqlarini davlat ro‘yxatidan o‘tkazish ishlari olib borildi.
Bir necha kundan beri davom etayotgan tadbirda 86 ta ariza qabul qilindi va kadastr hujjatlarini rasmiylashtirish ishlari davom etmoqda.
