Hududlarda yer nazorati tadbirlari

Qoraqalpog'iston Respublikasi boshqarmasi Mo‘ynoq tuman bo‘limi inspektorlari tomonidan "Talli o‘zak" MFY hududida yashovchi fuqaro S.S. tomonidan o‘zboshimchalik bilan o‘ziga tegishli bo‘lmagan umumiy maydoni 500 kv.m yerni devor bilan o‘rab olganligi aniqlandi. Mazkur holat yuzasidan MJtKning 60-moddasi 2-qismiga asosan hujjatlar rasmiylashtirildi hamda noqonuniy holat fuqaro tomonidan bartaraf etildi.

Surxondaryo viloyati boshqarmasi Jarqo'rg'on tuman bo'limi inspektorlari tomonidan "Qushtepa" MFYda yashovchi fuqaro tomonidan davlat zaxirasida bo'lgan yer maydonini o'zboshimchalik bilan 0.04 gektarini egallab olib, 46.8 kv.metrdan iborat uy-joy qurib olganligi holati aniqlandi. Aniqlangan holat yuzasidan MJtKning 60-modda 3-qismi bilan ma'muriy bayonnoma rasmiylashtirildi va berligan yozma ko'rsatma natijasida noqonuniy qurib olgan uy-joy binosi o‘z hisobidan bartaraf etildi.

Buxoro viloyati G‘ijduvon tuman bo‘limi inspektorlari tomonidan tumanda olib borilgan nazorat tadbirlari davomida fuqaro tomonidan “Pamuza” MFY hududida 1 600 kv.metr yer maydoni o‘zboshimchalik bilan egallab olinib, noqonuniy beton poydevor qurganligi aniqlangan. Ushbu holat yuzasidan sudga kiritilgan da’vo arizasi qanoatlantirildi hamda majburiy ijro byurosi bilan hamkorlikda majburiy tartibda bartaraf qilinib, yer maydoni avvalgi holatiga qaytarildi.

Eslatma: O'zbekiston Respublikasining 05.08.2024-yildagi O'RQ-937-sonli Qonuniga asosan, 2018-yil 1-may kunigacha yakka tartibdagi uy-joy qurish orqali o'zboshimchalik bilan egallangan yer uchastkasi hamda ularda qurilgan bino va inshootlarga nisbatan huquqlarni e’tirof etiladi.