Hurmatli yurtdoshlar!
Sizlarni yangilanish va ezgulik ayyomi – Navro‘z bayrami bilan samimiy muborakbod etamiz!
Navro‘z qadimiy an’analarimizning ajralmas qismi, mehr-oqibat, saxovat va tinchlik timsoli sifatida yuragimizga quvonch olib kiradi. Tabiat yashnagan, yangi hayot boshlanadigan ushbu kunda qalblarimiz yorug‘ niyatlar va ezgu maqsadlar bilan to‘ladi.
Bugun yurtimizda keng ko‘lamli islohotlar amalga oshirilayotgan bir paytda, har bir sohada, jumladan, yer va mulk masalalarini tartibga solish, fuqarolarimizga sifatli kadastr xizmatlarini ko‘rsatish yo‘lida fidokorona mehnat qilmoqdamiz. Maqsadimiz – xalqimiz farovonligi va davlatimiz taraqqiyotiga munosib hissa qo‘shishdir.
Ushbu qutlug‘ kunda yurtimizga tinchlik-xotirjamlik, elimizga farovonlik va har bir xonadonga fayz, baxt va baraka tilaymiz!
Navro‘zingiz muborak bo‘lsin!
Hurmat bilan,
Kadastr agentligi jamoasi
