Qonun targ'iboti davom etmoqda.
Kadastr agentligi hamda Adliya vazirligi mas'ullari tomonidan “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida”gi Qonunning mazmun-mohiyatini joylarda ishchi guruh a’zolariga reja-grafik asosida amaliy seminarlar tashkil etildi.
Ushbu seminarlar bugungi kunga qadar Samarqand, Buxoro, Navoiy, Toshkent viloyatlarida hamda Qoraqalpog‘iston Respublikasida o‘tkazilishi ta’minlandi.
Mazkur seminarlardan ko‘zlangan asosiy maqsad ishchi guruhlari tomonidan qonun kuchga kirgandan so‘ng ishchi guruh a’zolarining vazifalari, vakolatlari, yer va mulklarga egalik huquqlarini belgilashda Qonunni to‘g‘ri amaliyotga qo‘llash vakolatlari tushuntirildi.
Hozirgi vaqtda ushbu tadbirlar Toshkent shahrida bo‘lib o‘tmoqda. Shuningdek, reja-grafikka asosan Andijon, Toshkent, Farg'ona, Namangan, Sirdaryo, Jizzax, Surxondaryo hamda Qashqadaryo viloyatlarida o'tkaziladi.
