Internet tarmoqlarida “Fuqaroning 1000 AQSH dollari pullari evaziga kadastr hujjatini rasmiylashtirib berishni vaʼda qilgan shaxslar qo‘lga olindi” video tarqaldi.

Unda bayon etilgan holatlar aslida boshqacha bo‘lgan!

Aniqlik kiritamiz.

Joriy yilning 18 aprel kuni Bosh prokuraturasi huzuridagi iqtisodiy jinoyatlarga qarshi kurashish Departamenti Farg‘ona viloyati boshqarmasi Oltiariq tumani bo‘limi tomonidan noqonuniy yer oldi-sotdisi bo‘yicha tadbir davomida fuqaro yer maydoni egasiga kadastrdagi tanishlari orqali fuqaroga kadastr hujjatlarni rasmiylashtirish noturarni turar joy toifasiga o‘tkazish evaziga 1000 AQSH dollari olgan vaqtda qo‘lga olingan.

Tadbir davom ettirilgan va fuqaro kadastr tuman filiali rahbari X.X.ga yo‘naltirilgan. O‘z o‘rnida X.X. tomonidan fuqaroning taklifi rad etilgan va pora sifatida taklif yetilgan pullarni olmagan.

Shundan so‘ng, X.X. tuman prokuraturasiga olib kelingan va surishtiruv natijasida yuqoridagi holatga aloqasi yo‘q deb topilib qo‘yib yuborilgan.

Yangilanayotgan Konstitutsiyada ham aybsizlik prezumpsiyasiga alohida eʼtibor qaratilmoqda.

“26-modda. Jinoyat sodir etganlikda ayblanayotgan har bir shaxsning ishi sudda qonuniy tartibda, oshkora ko‘rib chiqilib, uning aybi aniqlanmaguncha u aybdor hisoblanmaydi. Sudda ayblanayotgan shaxsga o‘zini himoya qilish uchun barcha sharoitlar taʼminlanadi.”