Zomin tumanida sayyor qabul o'tkazildi 

Oldin xabar berganimizdek, kadastrga oid murojaatlarni ko‘rib chiqish maqsadida Kadastr agentligi direktorining o‘rinbosari Abdullayev To‘lqin Mansurovich hamda viloyatning tizim mutasaddilari ishtirokida Jizzax viloyatining, Zomin tumani fuqarolari va tadbirkorlari uchun sayyor qabul o‘tkazildi.

Sayyor qabul davomida 30 nafarga yaqin fuqaro o‘zining kadastr sohasiga oid muammoli masalalari bilan murojaatlari ko'rib chiqildi.

17 nafar murojaatchiga mutaxassislar tomonidan huquqiy tushuntirishlar berildi va ularning murojaatlari joyida ijobiy hal etildi.

13 ta murojaat esa qo‘shimcha o‘rganish va hujjatlar talab etilishi bois nazoratga olinib, sohadagi mas’ullarga tegishli topshiriq va ko‘rsatmalar berildi hamda ijro muddatlari belgilandi.

 Fuqarolar murojaatlarini hal etish — ustuvor vazifamiz!