Davlat Soliq qo‘mitasi huzuridagi Kadastr agentligi Toshkent shahar boshqarmasi tomonidan joriy yil boshidan yer nazoratiga oid qonun buzilish holatlar aniqlangan. Shular yuzasidan Kadastr agentligi Toshkent shahar boshqarmasi boshlig‘i Bekzod Tashxojayev O‘zA muxbiriga quyidagilarni ma’lum qildi.
– Boshqarma tomonidan joriy yil boshidan bugungi kungacha 1 ming 597 ta 25,55 ga teng yer maydonlarida qonun buzilish holatlari aniqlandi. Bulardan 901 tasida 18,54 ga teng yer uchastkalarini o‘zboshimchalik bilan egallab olingan. Shu jumladan, ushbu yer uchastkalariga nisbatan qonuniy huquqlari mavjud bo‘lmagan holda ulardan foydalanish hamda ajratilgan yer uchastkasiga tutash bo‘lgan va tutash bo‘lmagan yer uchastkalarida qurilish ishlarini amalga oshirish holatlari aniqlandi.
Shu bilan birga, 615 tasi 6,78 ga teng ko‘chmas mulkka bo‘lgan huquqni davlat ro‘yxatidan o‘tkazish uchun o‘z vaqtida murojaat etmaslik holatlari aniqlandi.
Shuni ham aytish joiz, 18 tasi 0,23 ga teng yer tuzish loyihalaridan o‘zboshimchalik bilan chetga chiqish, davlat yer kadastri yuritish qoidalarini buzish holatlarini tashkil etmoqda.
Davlat Soliq qo‘mitasi huzuridagi Kadastr agentligi Toshkent shahar boshqarmasi tomonidan mazkur aniqlangan yer qonun buzilish holatlariga nisbatan quyidagi ta’sirchan choralar qo‘rildi.
Xususan, 901 ta yer uchastkalarini o‘zboshimchalik bilan egallab olish, shu jumladan, ushbu yer uchastkalariga nisbatan qonuniy huquqlari mavjud bo‘lmagan. Ulardan foydalanish hamda ajratilgan yer uchastkasiga tutash bo‘lgan. Tutash bo‘lmagan yer uchastkalarida qurilish ishlarini amalga oshirish holatlardan 202 tasi jismoniy va yuridik shaxslar tomonidan belgilangan muddatlarda o‘z hisoblaridan bartaraf etildi. 699 tasiga Ma’muriy javobgarlik to‘g‘risidagi kodeksning 60-moddasiga asosan tegishli choralar qo‘rildi. Qolaversa, yer qonun buzilish holatlarini bartaraf etish yuzasidan sudlarga da’vo arizalari kiritildi.
Bundan tashqari, 615 ta ko‘chmas mulkka bo‘lgan huquqni davlat ro‘yxatidan o‘tkazish uchun o‘z vaqtida murojaat etmaslik holatlari yuzasidan Ma’muriy javobgarlik to‘g‘risidagi kodeksning 681-moddasiga asosan tegishli choralar ko‘rildi.
Qolaversa, 18 ta yer tuzish loyihalaridan o‘zboshimchalik bilan chetga chiqish, davlat yer kadastri yuritish qoidalarini buzish holatlari yuzasidan Ma’muriy javobgarlik to‘g‘risidagi kodeksning 68-moddasiga asosan tegishli choralar ko‘rilganligini ma’lum qiladi.
Shahnoza Mamaturopova,
O‘zA
