Hududlarda yer nazorati tadbirlari

Farg‘ona viloyati boshqarmasi Toshloq tumani bo‘limi xodimlari nazorat tadbirlari vaqtida tumanning "Soy bo‘yi" MFY Hamroh ko‘chasi hududida fuqaro tomonidan Ramadon ariq himoya mintaqasiga qarashli jami 220 kv.m  yer maydoni o‘zboshimchalik bilan egallanib, noqonuniy qurilish qilib olganlik holati aniqlandi.

Qoraqalpog‘iston Respublikasi Qorao‘zak tumani bo‘limi tomonidan olib borilgan yer nazorati ishlari davomida "Berdaq" MFY hududida yashovchi fuqaro o‘ziga tegishli bo‘lmagan 200 kv.m yer maydonini o‘zboshimchalik bilan egallab olgani aniqlandi.

Surxondaryo viloyati boshqarmasi Angor tuman bo‘limi inspektorlari tomonidan tumanning "Qo‘shtegirmon" mahallasida yashovchi fuqaro hududidagi mahalliy ichki yo‘lning muhofaza hududiga tegishli bo‘lgan yer maydonini o‘zboshimchalik bilan egallab olib, 17 metr uzunlikda devor to‘sig‘i qurib olganligi aniqlandi.

Mazkur holatlar yuzasidan O‘zbekiston Respublikasi Maʼmuriy javobgarlik to‘g‘risidagi kodeksning tegishli moddalari bilan hujjatlar rasmiylashtirildi hamda noqonuniy qurilishlar fuqarolar tomonidan ixtiyoriy bartaraf qilindi.