Hududlarda yer nazorati tadbirlari

Sirdaryo viloyati boshqarmasining Yangiyer shahar bo‘limi tomonidan, shaharning "T.Malik" MFY hududida nazorat tadbirlari o‘tkazildi. Unda fuqaro tomonidan hech qanday huquqiy hujjatlarsiz o‘zboshimchalik bilan 72 kv.m yer maydonini egallab olib, turli maqsadlarda imorat qurib olish holatlari aniqlandi.

Andijon viloyati Asaka tuman bo‘limi inspektorlari tomonidan o‘tkazilgan yer nazorati tadbirlari davomida Axtachi mahallasida istiqomat qiluvchi fuqaro K.Sh tomonidan 2600 kv.metr yer maydonini  o‘zboshimchalik bilan egallab olinib, noqonuniy qurilish ishlari amalga oshirilgani aniqlandi.

Jizzax viloyati Zarbdor tumani Sharq yulduzi MFY hududi o‘tkazilgan yer nazorati tadbirlari chog‘ida fuqaro Sh. S. tomonidan o‘ziga tegishli bo‘lmagan davlat zaxirasida bo‘lgan  yer maydoni o‘zboshimchalik bilan  48 kv.m o‘lchamda qurilish ishlarini amalga oshirganligi aniqlandi.

Namangan tumani bo‘limi tomonidan o‘tkazilgan yer va kadastr nazorati tadbirida tumanning "Farovon" MFY hududidan fuqaro P.Sh. tomonidan 400 kv.metr yer maydoni hech qanday huquqiy hujjatlarsiz o‘zboshimchalik bilan egallanib, noqonuniy turar joy bino-inshooti qurib olgani aniqlandi.

Aniqlangan barcha holatlar yuzasidan tegishli tartibda huquqiy tushuntirishlar berildi hamda mazkur holatlar joyida bartaraf qilindi.