Bugun Namangan viloyati Chortoq tumanida Kadastr agentligi direktorining birinchi o‘rinbosari Allaberganov Atabek Validjanovich boshchiligida viloyatning tizim mutasaddilari ishtirokida sayyor qabul bo‘lib o‘tdi.
Sayyor qabulga yig‘ilgan jami 31 nafar jismoniy va yuridik shaxslarning murojaatlari birma-bir ko‘rib chiqildi. Shundan, 9 ta murojaat joyning o‘zida hal etildi, 6 nafar murojaatchiga huquqiy tushuncha berildi, muddat talab qilgan 16 ta murojaat Respublika rahbariyati tomonidan nazoratga olindi.
Qabulda kelib tushgan murojaatlarni tezkorlik bilan qonun doirasida ko‘rib chiqish yuzasidan Nazorat-reja jadvali ishlab chiqish, fuqarolarning murojaatlarini amaldagi qonun hujjatlari asosida o‘rganib, amaliy yordam berishlari va bu haqda Agentlikka axborot berishlari yuzasidan viloyat mutasaddilariga topshiriqlar berildi.
