Yer, kadastr va geodeziya nazorati yo'nalishida amalga oshirilgan ishlar.

Amalga oshirilgan yer va kadastr nazorati tadbirlari natijasida 38 898 ta holatda 5 8437,6 gektar yerlarni o‘zboshimchalik bilan egallab olish bo‘yicha huquqbuzarliklar aniqlanib, berilgan yozma ko‘rsatmalar asosida 21 939 ta holatda 2 527,3 gektar yoki 56 foiz yer qonunbuzilish holatlari ixtiyoriy ravishda bartaraf etildi.

Yer uchastkalarini qaytarish va ularda qurilgan imoratlarni buzdirish bo‘yicha sudlarga 2 794,2 gektar yer maydonida 12 812 ta holatda da’vo arizalar kiritildi.

Shundan, 2 059 ta (430,3 gektar) da’vo arizalar sudlar tomonidan qanoatlantirilib, majburiy ijroga qaratildi.

Huquqbuzarlik holatida jinoyat alomatlari mavjud bo‘lgan 1 445 ta materiallar o‘rnatilgan tartibga muvofiq prokuratura organlariga kiritildi.

Yerga oid huquqbuzarlik sodir etgan 26 164 ta shaxslarga ma’muriy jazo choralari qo‘llanildi.

Yer va kadastr nazoratini avtomatlashtirish maqsadida “E-yer nazorat” AAT amaliyotga joriy etilib, 103 577 ta aniqlangan huquqbuzarliklar axborot tizimiga kiritildi.

Geodeziya va kartografiya faoliyatiga oid 283,5 mlrd. so‘mlik ishlar ekspertizadan o‘tkazildi.

Geodeziya va kartografiya faoliyatiga oid 131 ta texnik loyiha (ishlar dasturlari), 114 ta geodeziya va kartografiya ishlarining yakuniy texnik hisobotlari hamda 27 ta kartografiya mahsulotlari ekspertizadan o‘tkazildi.

Maxfiy kartografiya va geodeziya materiallarini berish bo‘yicha 2 810 ta materiallar foydalanuvchilarga taqdim etildi.

Geodeziya va kartografiya faoliyati bilan shug‘ullanish uchun “Litsenziya” AT orqali yuborilgan 142 ta xabarnomalar tahlil qilingan holda reyestrda hisobga olindi.