Yig'ilishda Kadastr agentligi direktori o'rinbosari bo'lim boshliqlari va filial rahbarlari bilan o‘tgan 2023-yil davomida amalga oshirilgan ishlar tanqidiy va tahliliy tarzda muhokama qilindi. Yer nazorati, aholiga kadastr xizmatlarini ko‘rsatish  yo'nalishida amalga oshirilgan ishlar, xodimlarning malakasini oshirish masalalari, tizimda  korrupsiyaga qarshi kurash yo‘nalishida joriy qilinayotgan ta’sirchan choralar xususida ma'lumot berildi.  

Bo'lim boshliqlari va filial rahbarlari sohaga doir takliflari tinglanib, aholi o'rtasida yer qonunbuzilishi holatlarining huquqiy oqibatlarini tushuntirish bo'yicha targ'ibot tadbirlarini ko'paytirish yuzasidan tegishli topshiriqlar berildi.

‼️ Shuningdek, yerlarni o'zboshimchalik bilan egallab olish, noqonuniy qurilishlar qilganlik uchun ma'muriy va jinoiy javobgarlik borligini aholiga mahallalardagi yig'ilishlar, sayyor qabullar yoki ijtimoiy tarmoqlar orqali tushuntirishlarni ko‘paytirish zarurligi ta’kidlandi.