Kadastr agentligi direktorining o‘rinbosari Abdullayev Abdushukur Hamidovich boshchiligida Farg‘ona viloyatining Oltiariq tumanida tashkil qilgan sayyor qabulida fuqarolarning sohaga oid murojaatlari tinglandi. 

Sayyor qabulda Kadastr agentligi Farg'ona viloyati boshqarmasi boshlig'i Nodirbek Mashrapov, Davlat kadastrlari palatasi Farg‘ona viloyati boshqarmasi boshlig‘i Ravshan Mirzaxmedov va Farg'ona viloyati Prokuraturasi Yer resurslari talon-toroj qilinishining oldini olish bo‘limi boshlig‘i Nodirbek Mirzarahimov ham ishtirok etishdi. 

Sayyor qabulda ishtirok etgan jismoniy va yuridik shaxslarning ko‘chmas mulkni ro‘yxatdan o‘tkazish, kadastr pasportini rasmiylashtirish, mulkka egalik huquqini olish hamda yerni xususiylashtirishga doir savol va muammolari eshitilib, mutasaddilar tomonidan tegishli yechimlar va huquqiy tushunchalar berildi.  

Sayyor qabul davomida 30 ta murojaat kelib tushgan bo‘lsa, shu yerning o‘zida 12 tasi ijobiy hal etildi. 18 ta murojaatlar ijrosi nazoratga olindi.