AHOLI MUROJAATLARI HAL ETILMOQDA 

Kadastr agentligi direktorining o‘rinbosari Abdullayev Abdushukur Hamidovich hamda Kadastr agentligi Farg‘ona viloyati boshqarmasi boshlig'i Nodirbek Mashrapov boshchiligida Farg‘ona viloyatining Bag'dod tumanida tashkil qilgan sayyor qabulida fuqarolarning sohaga oid murojaatlari tinglandi. 

Sayyor qabulda ishtirok etgan jismoniy va yuridik shaxslarning ko‘chmas mulkni ro‘yxatdan o‘tkazish, kadastr pasportini rasmiylashtirish, mulkka egalik huquqini olish hamda yerni xususiylashtirishga doir savol va muammolari eshitilib, mutasaddilar tomonidan tegishli yechimlar va huquqiy tushunchalar berildi.  

Sayyor qabul davomida 40 ga yaqin fuqarolarning murojaati kelib tushgan bo‘lsa, shu yerning o‘zida 14 tasi ijobiy hal etildi. 26 ta murojaatlar ijrosi nazoratga olindi.