O'zbekiston Respublikasi Prezidentining 2024-yil 21-fevraldagi "O'zbekiston — 2030 strategiyasini "Yoshlar va biznesni qo'llab-quvvatlash yili"da amalga oshirishga oid davlat dasturi to'g'risida" PF-37-son Farmoni 27-bandi bilan ekologiyaga avtomobillar chiqindi gazlarining zararli ta'sirini kamaytirish maqsadida Toshkent shahrida har oyning bir ish kuni davomida avtomobillar harakatlanishini (jamoat transportlari, maxsus va shoshilinch yordam xizmatlaridan tashqari) qisqartirishga qaratilgan "Avtomobilsiz kun" jamoatchilik loyihasini amalga oshirish to'g'risidagi keng jamoatchilik vakillari va ekofaollarning taklifi ma'qullangan.
Mazkur loyihaga Kadastr agentligi xodimlari o'z hissalarini qo'shish maqsadida barcha rahbar va xodimlar ishga jamoat transportlari hamda ekologik transportlardan foydalangan holda kelib-ketishlari tashkillashtirildi.
‼️ Eslatib o'tamiz mazkur loyiha dunyoning 50 ga yaqin mamlakatlaridagi 2 mindan ortiq shaharlarda o'tkazib kelinadi.
Kadastr agentligi jamoasi ekalogiyamizni asrab-avaylash maqsadida barchani "Avtomobilsiz kun" jamoatchilik loyihasida faol ishtirok etishga chorlab qoladi.
