Ishonch telefoni : 1097 Kirish

Kadastr agentligi tomonidan 13 turdagi xizmatlar axborot texnologiyalaridan foydalanilgan holda olib borilmoqda

09.08.2022
785

Kadastr agentligi tomonidan axborot texnologiyalarini joriy etish bo‘yicha amalga oshirilayotgan ishlar va kelgusidagi ustuvor vazifalar yuzasidan sohaga zamonaviy axborot kommunikatsiya texnologiyalarini joriy qilish borasida so‘nggi 6 yil ichida O‘zbekiston Respublikasi Prezidentining 5ta farmoni va qarori, Vazirlar Mahkamasining 12ta qarori qabul qilindi.

Bugungi kunga kelib, Agentlik tomonidan ko‘rsatilayotgan 13 turdagi davlat xizmatlarning 11tasi (2ta davlat xizmati maxfiy toifaga ega) axborot texnologiyalaridan keng foydalangan holda, ortiqcha ovoragarchiliksiz xizmatlar ko‘rsatish tashkil etilgan.

Davlat soliq qo‘mitasi huzuridagi Kadastr agentligiga tegishli davlat xizmatlari belgilangan tartibda Yagona interaktiv davlat xizmatlari portali bilan integratsiya qilingan bo‘lib, ushbu xizmat turlari quyidagilardan iborat:

-kadastr pasportini shakllantirish;

-turar joyning maydoni bo‘yicha maʼlumotnoma olish;

-ko‘chmas mulk obyektlariga bo‘lgan huquqlarni davlat ro‘yxatidan o‘tkazish;

-davlat kadastr reyestridan ko‘chmas mulk bo‘yicha ko‘chirmani tekshirish

-o‘zganing yer uchastkasidan cheklangan tarzda foydalanish huquqi (servitut) TO‘G‘RISIDAgi kelishuvni davlat ro‘yxatidan o‘tkazish;

-bino va inshootlarni ijara shartnomasini davlat ro‘yxatidan o‘tkazish;

-ipoteka kreditiga Davlat subsidiyasini olishga ariza berish;

-fuqarolarning nomida shaxsiy uy-joyi bor yoki yo‘qligi TO‘G‘RISIDAgi maʼlumotnoma olish;

-yirik investitsiya loyihasini amalga oshirish uchun tanlovda ishtirok etish;

-kadastr obyektiga taqiqni tekshirish;

-ko‘chmas mulk bo‘yicha kadastr muhandisini malaka shahodatnomasini berish;

Kadastr sohasida ko‘rsatilayotgan elektron davlat xizmatlari bo‘yicha Yagona interaktiv davlat xizmatlari portali hamda joylardagi Davlat xizmatlari markazlari tomonidan kuniga o‘rtacha hisobda 4-5 mingta buyurtmalarga tizim orqali ishlov berib kelinmoqda.

Yagona interaktiv davlat xizmatlari portali orqali Kadastr agentligi tomonidan ko‘rsatib kelinayotgan 2 turdagi xizmatlar (Kadastr pasportini shakllantirish va Ko‘chmas mulk obyektiga bo‘lgan huquqni davlat ro‘yxatidan o‘tkazish) portalining eng Ommabop xizmatlar 10taligiga kiradi.

Shuningdek, O‘zbekiston Respublikasi Prezidentining 2016 yil 3 avgustdagi PQ-2571-son qarori ijrosini taʼminlash yuzasidan «Kadastr va ko‘chmas mulkni ro‘yxatga olish integratsiyalashgan tizimi» (UZKAD) ishlab chiqilib, birinchi bosqichda qishloq xo‘jaligiga mo‘ljallangan yerdan foydalanish va mulk huquqlarining hisobini yuritish uchun ko‘chmas mulkka egalik huquqini hisobga olish moduli ishlab chiqilib, ishga tushirildi. «Kadastr va ko‘chmas mulkni ro‘yxatga olish integratsiyalashgan tizimi»da (UZKAD) 98 foiz qishloq xo‘jaligi maydonlari tizimga kiritildi. Ushbu tizim amaldagi barcha axborot tizimlarini o‘z ichiga olgan holda egallaydi va ko‘chmas mulkning barcha maʼlumotlarini bir tizimda jamlash va boshqarish imkonini beradi.

Kadastr agentligi IT-texnologiyalar va

axborot xavfsizligi bo‘lim boshlig’i

Olimjon Abdullayev