Ijtimoiy tarmoqlarda keng tarqalgan mazkur foto va unga berilgan "Kadastr shunday o‘lchabdi... " mazmunidagi sharh albatta hazil tariqasida joylangani tushunarli. Ammo, bir necha ijtimoiy tarmoq kuzatuvchilarida savollar tug‘ilayotgani sababli quyidagilarni maʼlum qilamiz:
Ayni kungacha, ushbu fotosuratdagi holat yuzasidan kadastr idoralariga murojaat kelib tushmagan va Kadastr agentligining yer va kadastr nazorati boshqarmalari tomonidan o‘tkazilgan nazorat tadbirlarida bu kabi qurilma aniqlanmagan.
Ushbu fotosuratdagi holat respublikamizda joylashgani to‘g‘risida xech qanday aniq maʼlumotlar mavjud emas.
Shuni ham alohida qayt etish muhimki, ko‘chmas mulk obyektlariga kadastr hujjatlarini rasmiylashtirish jarayonida qurilish uchun tayyorlangan va tegishli idoralar bilan kelishilgan loyihalar asosida qurilmagan obyektlarga kadastr xujjatlari rasmiylashtirilmaydi.
