Kadastr agentligining Davlat kadastrlari palatasi mas'ullari hamda Samarqand viloyati boshqarmasi rahbariyati ishtirokida Samarqand viloyati, Jomboy tumanida o'tkazilgan navbatdagi sayyor qabulda fuqarolarning sohaga oid murojaatlari tinglandi. 

Sayyor qabulda ishtirok etgan jismoniy va yuridik shaxslarning ko‘chmas mulkni ro‘yxatdan o‘tkazish, kadastr pasportini rasmiylashtirish, mulkka egalik huquqini olish hamda yerni xususiylashtirishga doir savol va muammolari eshitilib, mutasaddilar tomonidan tegishli yechimlar va huquqiy tushunchalar berildi.  

Sayyor qabul davomida 15 ta murojaat kelib tushgan bo‘lsa, shu yerning o‘zida 10 tasi huquqiy ma'lumot berish orqali ijobiy hal etildi. 5 ta murojaatlar ijrosi nazoratga olindi.