Kadastr agentligining DAVLAT KADASTRLARI PALATASI tomonidan tashkil qilingan “Rahbar va yoshlar” 1-milliy forumi Jizzax viloyatida 3 kun davomida juda ko'tarinki ruhda o'tkazildi.  Sohani yanada rivojlantirish maqsadida yoshlarning fikrini rahbarlarga bevosita yetkazish, tizimdagi muammo va masalalarni yangi fikrlar-g‘oyalar yordamida birgalikda ijobiy yechimini topishga zamin yaratishni maqsad qilgan forumga respublikamizning barcha hududlaridan 5 nafardan,  30 yoshgacha bo‘lgan 70 nafar  yoshlarni bir manzilga birlashtirdi. Forumda ishtirokchilar Sharof Rashidov muzeyidagi eksponatlar, atoqli adib Hamid Olimjon va shoira Zulfiya tarixiga, o‘sha davrdagi asori-atiqalar, ijodkorlarning hayoti va ijodi haqida so‘zlovchi muzeyni ko‘zdan kechirdilar. 

Bundan tashqari DAVLAT KADASTRLARI PALATASI mutasaddilari va Yoshlar ishlari agentligi viloyat boshqarmasi mas'ullari ishtirokidagi davra suhbati ham bo'lib o'tdi. Forumning yakuni Zomin tumanida o‘tkazilib,  g'olib deb topilgan "Palata yoshlari" jamoasi hamda  har 7 ta jamoadan 1 nafardan eng faol ishtirokchilar maxsus sovg'alar bilan taqdirlandilar.