AOKAda Kadastr agentligi, Davlat kadastrlari palatasi, Respublika aerogeodeziya markazi rahbariyati ishtirokida o‘tkazilgan matbuot anjumanida tizimda 2023-yilda amalga oshirilgan ishlar sarhisobi, dolzarb vazifalar ijrosi haqida maʼlumot berildi:
Yerga bo‘lgan huquqlarni bekor qilish yuzasidan hokimliklarga 2 438 ta (15,9 ming gektar) taqdimnomalar hamda sudlarga 81 ta (943 gektar) daʼvo ariza kiritildi.
Tadbirkorlik faoliyatini amalga oshirish uchun 146 024 ta bo‘sh yer uchastkalari “Yerelektron” tizimiga kiritilib, 66 244 tasi autsionga chiqarildi.
Hisobot davrida 6 turdagi yangi kadastr xizmatini ko‘rsatish yo‘lga qo‘yilib, Yagona interaktiv davlat xizmatlari portali, davlat xizmatlari markazlari va notarial idoralar orqali jami 17 turdagi 2,5 mln. dan ortiq kadastr xizmatlari ko‘rsatildi.
Yer nazorati tadbirlarida inson omilini kamaytirish maqsadida yagona “Yer nazorat” axborot tizimi ishga tushirilib, Bosh prokuratura va IIVning axborot tizimlariga integratsiya qilindi.
97,6 ming kv.km aero va kosmik suratga olish ishlari bajarildi va buning natijasida 91,5 ming kv.km. raqamli ortofotoplanlar yaratilib, 60,4 ming kv.km. topografik xaritalar yangilandi.
