O‘zbekiston Respublikasi Vazirlar Mahkamasining 2018-yil 23-apreldagi 299-sonli qarori ijrosini ta’minlash maqsadida  Respublika aerogeodeziya markazi tomonidan 2022-yil 2-noyabr kuniga qadar Andijon viloyati Qo‘rg‘ontepa va Paxtobod tumanlarining ma’muriy-hududiy birliklar chegaralarini belgilash bo‘yicha o‘zgarmas nuqtalar bilan chegara chiziqlari qotirilib, burilish nuqtalarining koordinatalar katalogi hamda 1:10 000 masshtabdagi xaritalari tayyorlandi. Bundan tashqari: 

✔️Qo‘rg‘ontepa tumanida 18 ta hududda jami 44 ming 964 ga yer maydonlarida deshifrovka ishlari bajarilib, deshifrovka materiallari asosida tuman hududidagi 1815 ta yerdan foydalanuvchilarning yer maydonlari yer turlari bo‘yicha yo‘qlamadan o‘tkazildi. 

✔️Paxtobod tumanidagi 14 ta hududning umumiy yer maydoni 25 ming 651 ga bo‘lib 1748 ta yerdan foydalanuvchilarning yer maydonlari xatlovdan o‘tkazildi.
O‘tkazilgan deshifrovka hamda xatlov natijalari asosida ushbu tumanlarning 1:10 000 masshtabli qishloq xo‘jaligi xaritalari yangilandi.