Kadastr agentligi Toshkent shahar boshqarmasi boshlig‘i B.Tashxodjayev fuqaro va tadbirkorlarning murojaatlarini ko‘rib chiqishda davom etmoqda.
Kuni kecha Bektemir tumanining “Mirishkor” MFYdagi yangi loyiha bilan tanishildi. Tadbirkor tomonidan hozirda "SAFIA" qandolat do‘koni o‘z faoliyatini yo‘lga qo‘ygani, natijada 10 dan ortiq ish o‘rni yaratilgani maʼlum qilindi.
Keyingi manzil Chilonzor tumanining “Ko‘tarma” MFY. Ushbu hududda bir dona noqonuniy yengil turdagi savdo do‘koni qurilayotgani, bitta nonvoyxona faoliyat yuritayotgani hamda ko‘p qavatli turar joy binosining 1-qavat qismida noqonuniy ofis tashkil etilganligi aniqlandi.
Holat yuzasidan noqonuniy yengil turdagi do‘kon binosi joyida bartaraf etilishi yuzasidan tushuntirish berildi. Ofis va nonvoyxona binosi bo‘yicha ogohlantirilish berilib, Maʼmuriy javobgarlik to‘g‘risidagi kodeksga asosan taʼsirchan chora qo‘llanilishi bildirildi.
