Kadastr agentligi va Davlat kadastrlari palatasi Xorazm viloyati boshqarmalari tashabbusi bilan UrDU Tabiiy fanlar fakulteti Geodeziya, kartografiya, geografiya kafedrasi hamkorligida Geodeziya, kartografiya va kadastr yo‘nalishi talabalariga ochiq muloqot tashkil etildi.
Ochiq muloqot UrDU Tabiiy fanlar fakulteti Geodeziya, kartografiya, geografiya kafedrasi o‘qituvchisi R.Ismailov va Kadastr agentligi hamda Davlat kadastrlari palatasi Xorazm viloyati boshqarmalari masʼul xodimlari ishtirok etdi.
Tadbir ishtirokchilariga sohaga oid qonunchilikdagi yangiliklar bilan bir qatorda, Kadastr agentligi va Davlat kadastrlari palatasi hamda ularning hududiy boshqarmalarining vazifa va funksiyalari to‘g‘risida bilim va ko‘nikmalar berildi.
Ochiq muloqot davomida talabalar o‘zlarini qiziqtirgan savollariga soha mutaxassislaridan asoslantirilgan javoblarni olishdi.
