Kadastr agengligining Sirdaryo viloyat boshqarmasi tuman shahar inspektorlari tomonidan 311 ta holatda "Erga bo‘lgan huquqini o‘z vaqtida davlat ro‘yxatidan o‘tkazmaganlik" uchun jismoniy va yuridik shaxslarga 76 mln. 195 ming so‘m jarima qo‘llanildi.
Hozirga qadar 188 ta holatda 35 mln.182 ming so‘m undirilgan, 123 ta holat tegishli tashkilot va idoralarga yuborilgan.
Hurmatli fuqarolar va tadbirkorlar, yer uchastkasiga bo‘lgan xuquqni davlat ro‘yxatdan o‘tkazish uchun o‘z vaqtida murojaat etishingizni so‘raymiz. 
Eslatma: Ma'muriy javobgarlik to‘g‘risidagi kodeksning 68² 1 moddasiga ko‘ra, Ko‘chmas mulkka bo‘lgan huquqlarni davlat ro‘yxatidan o‘tkazishni amalga oshiruvchi organga yer uchastkasiga bo‘lgan huquqni ro‘yxatdan o‘tkazish uchun o‘z vaqtida murojaat etmaslik  — fuqarolarga bazaviy hisoblash miqdorining bir baravaridan uch baravarigacha, mansabdor shaxslarga esa — uch baravaridan besh baravarigacha miqdorda jarima solishga sabab bo‘ladi.