Yaqinda davlatimiz rahbari tomonidan «Er munosabatlarida tenglik va shaffoflikni ta'minlash, yerga bo‘lgan huquqlarni ishonchli himoya qilish va ularni bozor aktiviga aylantirish chora-tadbirlari to‘g‘risida»gi farmon imzolangan edi.
Mazkur farmondan ko‘zlangan maqsad, yer uchastkalarini ajratishning barcha uchun teng, shaffof va bozor tamoyillariga asoslangan tartibini joriy etish, yerga oid mulkiy va huquqiy munosabatlarda barqarorlikni ta'minlashdan iborat. Shuningdek, yerning iqtisodiy qiymatini belgilash orqali uni fuqarolik huquqiy munosabatlar ob'ekti sifatida erkin muomalaga kiritish ko‘zda tutilgan.  
Endilikda yerga bo‘lgan huquqlarni ishonchli himoya qilish, yer ajratish va undan foydalanishda nazoratni kuchaytirishga oid bir qator yangi tartiblar amalga kiritiladi. Yerlarni shaffof ajratish maqsadida quyidagi tartiblar belgilandi:  
– hokim qarori asosida yerlarni to‘g‘ridan-to‘g‘ri va tekinga berish amaliyoti butunlay bekor qilinadi.  
– O‘zbekiston fuqarolari va yuridik shaxslariga – xususiy mulk qilib sotish, xususiylashtirish mumkin bo‘lmagan yerlarni hamda xorijiy shaxslarga – ijara huquqini elektron auksionda sotiladi.  
– mahalliy davlat hokimiyati organlarining yer munosabatlariga oid qator vakolatlari 1 avgustdan bekor qilinadi.  
Kadastr agentligi boshqarma boshlig‘i Murod Fayzullaev bilan suhbatimiz ham ayni ushbu farmon doirasida olib borilayotgan ishlar xususida bo‘ldi.