Bugun “Qishloq xo‘jaligi yer uchastkalarini va yerdan foydalanuvchilarini davlat ro‘yxatidan o‘tkazish” bo‘yicha Respublikamizda bajarilayotgan ishlarning taqdimoti o‘tkazildi.
Unda Davlat soliq qo‘mitasi huzuridagi Kadastr agentligi direktori o‘rinbosari M.Mirmaksudov, Qishloq xo‘jaligi vazirining o‘rinbosari Q.Yuldashev hamda “Geoinfocom” davlat unitar korxonasi mutasaddilari ishtirok etishdi.
Taqdimotda Respublikamizda qishloq xo‘jaligi yerlari hamda ko‘chmas mulk ob'ektlari ro‘yxatdan o‘tkazilib, natijada:
- geoportalda aks ettirish imkoniyati yaratilgan va integratsiya qilingani;
- Davlat ro‘yxatidan o‘tkazilgan qishlok xo‘jaligi yer uchastkalari ma'lumotlarini geoportal orqali ko‘rish imkoniyati yaratilgani;
- Bu esa o‘z navbatida geoportal orqali ko‘chmas mulk to‘g‘risidagi ma'lumotlarni ochiq va shaffoflik bilan taqdim qilinishiga erishilgani aytib o‘tildi.
Tizimning afzallik tomonlari, uni to‘liq ishga tushirilishi uchun Kadastr agentligi tomonidan olib borilayotgan ishlar hususida bayonot berildi.
