Hurmatli fuqarolar hamda tadbirkorlar!

So‘nggi paytlarda “Yer olib beraman” yoki “Yer maydonining toifasini o‘zgartirib beraman” degan soxta va’dalar orqali firibgarlik qilayotgan sobiq yoki amaldagi kadastr xodimlari uchramoqda hamda ularning aksariyati huquqni muhofaza qiluvchi organlar tomonidan qo‘lga olinmoqda.

 Shuni qat’iy ravishda ma’lum qilamizki, nafaqat hududiy boshqarma va tizim tashkilotlari hatto, Kadastr agentligi rahbariyatida ham bunday vakolat yo‘q.

Ushbu jarayonni hech bir shaxs yoki muassasa “pul evaziga” bajara olmasligi, qonun bilan qat’iy tartibga solinganini alohida ta’kidlaymiz. 

1. Uy-joy qurish va tadbirkorlik maqsadlari uchun yer maydonlari onlayn auksion orqali ochiq savdoga qo‘yiladi;  
2. Yerning toifasini o‘zgartirish faqat va faqat O‘zbekiston Respublikasi Prezidenti ruxsati bilan amalga oshiriladi.  

Eslatma: Yer toifasi o‘zgartirilgan taqdirda ham ushbu yer  davlat zaxirasiga olinadi va qayta realizatsiya qilinadi. 

 Shunday ekan, Sizlardan sobiq yoki amaldagi kadastr xodimlarining har qanday shubhali takliflari yuzasidan huquqni muhofaza qiluvchi organlarga yoki Kadastr agentligining 1097 qisqa raqamiga murojaat qilishingizni so‘raymiz.

Yagona ishonchli manba – bu qonuniy yo‘ldir!

KADASTR AGENTLIGI.