Davlat soliq qo‘mitasi huzuridagi Kadastr agentligi hamda Rossiya Federatsiyasi Davlat ro‘yxatiga olish, kadastr va kartografiya federal xizmati (Rosreestr) o‘rtasida “Yo‘l xaritasi” imzolandi.

Joriy yilning 21 sentyabr sanasida Kadastr agentligiga Rosreestr rahbari Oleg Skufinskiy boshchiligidagi delegatsiya tashrif buyurdi.

Uchrashuv doirasida ko‘chmas mulkni ro‘yxatga olish tizimi, fazoviy maʼlumotlar infrastrukturasi mavzusida ikki davlat tajribasi almashinildi hamda axborot tizimlari bo‘yicha taqdimot bo‘lib o‘tdi.

Uchrashuv so‘ngida 2021 yilning 22 iyun sanasida Moskva shahrida O‘zbekiston va Rossiya o‘rtasida hamkorlik bo‘yicha hukumatlararo qo‘shma komissiya yig‘ilishi doirasida Kadastr agentligi va Rosreestr o‘rtasida imzolangan hamkorlik Bitimini implementatsiyasiga oid “Yo‘l xaritasi”ni imzolandi.

Unga ko‘ra Kadastr agentligi va Rosreestr:

-  Geodeziya kartografiya va kadastr sohasida actual va zamonaviy tendensiyalarni o‘zlashtirish yuzasidan davra suxbatlari, qo‘shma tadbirlar o‘tkazishi;

-  Rosreestrning fuqarolarga, tadbirkorlik subyektlariga, hokimiyat organlariga xizmat ko‘rsatish tajribasini o‘rganishi;

-  Huquqlarni ro‘yxatga olish va ko‘chmas mulkni kadastr bo‘yicha ro‘yxatga olish sohasidagi davlat xizmatlari turlarini o‘rganish.

-  Ko‘chmas mulkning yagona davlat reestridan maʼlumotlarini taqdim etishning texnik imkoniyatlarini o‘rganishi;

- Yer va  ko‘chmas mulkka oid yagona axborot tizimi

- Geodeziya, kartografiya va ko‘chmas mulk kadastri sohasidagi normativ -huquqiy hujjatlarni ishlab chiqish bo‘yicha maslahatlar o‘tkazish;

- Raqamli transformatsiya va jarayonlarni qayta injiniring qilish bo‘yicha tajriba almashish kabilar belgilangan.