Yer boshqaruvi va kadastr sohasida Germaniya modeli o‘rganilmoqda.

Ayni damda Kadastr agentligi rahbari F.Pulatov boshchiligidagi ishchi guruh Germaniyaning Berlin shahrida Yerdan foydalanish va boshqarish federal tashkilotida (BVVG), yer ajratish amaliyoti, xususiylashtirish va yer boshqaruvi sohasini geoaxborot tizimlarini qo‘llash yo‘nalishlarida tajriba o‘rganish tashrifi bilan bo‘lib turibdi.

Tashrifdan maqsad - Germaniyaning yer boshqaruvi siyosati, sohani raqamlashtirish, yerlarni ijaraga berish va xususiylashtirish borasida mamlakat tajribasini o‘rganish hisoblanadi.

Shuningdek, mazkur tashrif davomida Agentlik delegatsiyasi Brandenburgning Lyubben kadastr idorasi, Federal yerlar geodeziya xizmati ijroiya qo‘mitasi bilan amaliy uchrashuvlar o‘tkazishi ko‘zda tutilgan.