SHAHRIXON TUMANIDA SAYYOR QABUL O‘TKAZILDI
Oldin xabar berganimizdek, Andijon viloyatining Shahrixon tumanida fuqarolar va tadbirkorlar uchun sayyor qabul tashkil etildi.
Qabulda Kadastr agentligi direktorining o‘rinbosari A. Abdullayev hamda viloyat kadastr tizimi mutasaddilari ishtirok etdi.
Sayyor qabul davomida 40 nafarga yaqin fuqaro o‘z murojaatlari bilan ishtirok etdi.
Shundan:
12 nafar murojaatchining masalasi joyida ko‘rib chiqilib, huquqiy tushuntirishlar berildi va ijobiy hal etildi.
23 ta murojaat esa qo‘shimcha hujjatlar va o‘rganishni talab qilgani bois nazoratga olinib, mutasaddilarga tegishli topshiriqlar va ijro muddatlari belgilandi.
Fuqarolar murojaatini eshitish va hal qilish — bizning ustuvor vazifamiz!
