Kadastr agentligi va LX konsorsiumi o‘rtasida navbatdagi uchrashuvlar bo‘lib o‘tdi.

“O‘zbekistonda Milliy fazoviy axborot salohiyatini kompleks mustahkamlash tizimini tashkil etish” loyihasi doirasida Kadastr agentligi va LX konsorsiumi o‘rtasida navbatdagi uchrashuvlar o‘tkazildi.

 Uchrashuv kun tartibidan:
 Loyihaning 3-bosqichida ko‘zda tutilgan ishlar taqvimi hamda qabul qilinadigan texnologiyalar;
 Kadrlar tayyorlash bosh rejasi;
 O‘quv jarayonini boshqarish axborot tizimi;
 Malaka oshirish markazida o‘qitiladigan qisqa muddatli o‘quv kurslari dasturi;
 Rivojlanishga rasmiy yordam (ODA) loyihalari strategiyasidagi o‘zgarishlar muhokama qilindi.

 Shuningdek, koreyalik mutaxassislar tomonidan navbatdagi 5-bosqichli Q-GIS trenerlar uchun treninglarga start berildi.

 Muzokara yakunlariga ko‘ra, Agentlik tomonidan quyidagi takliflar ilgari surildi:
 LIDAR texnologiyalari yo‘nalishida amaliy kurslar tashkil etish;
 Yer nazorati, xususan, noqonuniy qurilmalar monitoringi yo‘nalishida xorij tajribasiga asoslangan uslubiy o‘quv kurslarini joriy etish.

 Tomonlar ushbu yo‘nalishlarda malaka oshirish kurslarini tashkillashtirish borasida kelishuvga erishdi.