Kadastr agentligi tizimida Korrupsiyaga qarshi kurashish bo‘yicha 2024-yilda amalga oshirilgan ishlar hisoboti.
O‘zbekiston Respublikasi Prezidentining 2020-yil 7-sentyabrdagi PF-6061-sonli Farmoni va PQ-4819-sonli Qaroriga muvofiq, Kadastr agentligi tizimida korrupsiyaga qarshi kurashish tuzilmasi tashkil etildi. Ushbu tuzilma huquqni muhofaza qiluvchi idoralarda ijobiy tavsifga ega bo‘lgan va tajribali xodimlar asosida shakllantirildi.
Tashkiliy tuzilma;
Kadastr agentligi tarkibida:
Markaziy apparatda-3 ta,
Hududiy bo‘limlarda-14 ta,
Davlat kadastrlari palatasida:
Markaziy apparatda-2 ta,
Hududiy bo‘limlarda 14-ta korrupsiyaga qarshi kurashish bo‘limi tashkil etildi.
Korrupsiyaga qarshi qurashish bo‘yicha amalga oshirilgan ishlar quyidagilar;
Texnik ta’minot va shaffoflikni ta’minlash;
Kadastr agentligining tuman va shahar bo‘limlarida yer nazoratiga mas’ul xodimlarning ish faoliyatini samarali yuritish, qonunbuzarlik holatlarini oldindan aniqlash va ularni rasmiylashtirish jarayonlarini takomillashtirish maqsadida 790 ta planshet xarid qilindi va xodimlarga taqdim etildi.
Korrupsiyaga qarshi kurashish bo‘yicha xalqaro standartlarni joriy etish maqsadida Davlat kadastrlari palatasi Toshkent shahar boshqarmasi 2024-yil dekabr oyida ISO 37001:2016 xalqaro standart sertifikatini qo‘lga kiritdi. Bu Kadastr agentligi tizimida mazkur sertifikatga ega bo‘lgan uchinchi tashkilot hisoblanadi.
Ommaviy axborot vositalari va xalq bilan ishlash;
Korrupsiyani oldini olish maqsadida tizim xodimlari va fuqarolar ishtirokida:
687 marotaba seminar va davra suhbatlari o‘tkazildi,
55 marotaba ommaviy axborot vositalari orqali profilaktik tadbirlar o‘tkazildi.
Bundan tashqari, mahalla fuqarolar yig‘inlari binolariga Kadastr agentligining ishonch telefoni va aloqa kanallari aks ettirilgan namunaviy bannerlar joylashtirildi.
Nazorat tadbirlar natijalari;
Korrupsiyaga qarshi kurashish bo‘linmalari tomonidan 125 ta xizmat tekshiruvi va nazorat tadbirlari o‘tkazilgan bo‘lib, natijada 72,6 mln so‘mlik qonunbuzarlik holatlari aniqlangan va ushbu zarar summasi to‘liq undirilgan. Shu bilan birga, 30 nafar xodimga nisbatan tegishli choralar ko‘rilgan.
Huquqni muhofaza qiluvchi organlar bilan hamkorlik doirasida 31 ta korrupsiya bilan bog‘liq holat o‘rganilib, ulardan 7 tasi bo‘yicha jinoyat ishi qo‘zg‘atilgan.
Shaffoflikni oshirish;
Kadastr sohasi bo‘yicha 17 ta xizmat turi hozirda davlat xizmatlari markazlari hamda yagona interaktiv davlat xizmatlari portali my.gov.uz sayti orqali amalga oshirilmoqda. Ushbu chora-tadbirlar inson omilini kamaytirish va xizmatlarning shaffofligini ta’minlashga qaratilgan.
Kadastr agentligi korrupsiyaga qarshi kurashishda tizimli chora-tadbirlarni amalga oshirishni davom ettiradi va bu yo‘nalishda ishonchli hamkorlikni yo‘lga qo‘yish maqsadida faoliyatini yanada takomillashtirishga intiladi.
