O‘zbekiston va Ozarbayjon OAVlari o‘rtasida tajriba almashuvi

O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, ommaviy axborot vositalari vakillari hamda qator vazirlik va idoralar matbuot kotiblaridan iborat delegatsiya Boku shahrida joylashgan, mamlakatning yetakchi telekanali hisoblangan Azerbayjon televideniyesi — AzTV faoliyati bilan yaqindan tanishdi.

Uchrashuv chog‘ida Ozarbayjonning axborot makonida muhim o‘rin egallovchi AzTV‘ning axborot siyosatini yuritish jarayonlari, zamonaviy texnik bazasi, kadrlar tayyorlash tizimi va to‘g‘ridan-to‘g‘ri efirni tashkil etish amaliyoti bo‘yicha maʼlumotlar berildi. Shuningdek, ikki mamlakat ommaviy axborot vositalari o‘rtasidagi hamkorlikni rivojlantirish masalalari muhokama etildi.

Mazkur tashrif O‘zbekiston va Ozarbayjon o‘rtasidagi axborot sohasidagi o‘zaro munosabatlarni yana-da mustahkamlashga xizmat qilishi taʼkidlandi.