Ayni paytda O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, turli OAV vakillari hamda O‘zbekistonning o‘ndan ziyod vazirlik va idoralari matbuot kotiblaridan iborat delegatsiya Ozarbayjonda bo‘lib turibdi.
Bugun, 7 may kuni Baku shahridagi ADA (Ozarbayjon diplomatik akademiyasi) universitetida tashrifning asosiy tadbiri - matbuot kotiblari uchun qo‘shma seminar trening bo‘lib o‘tdi.
Seminar-treningda mediasavodxonlik va informatsion immunitetni hosil qilish, axborot siyosatidagi yaqin aloqalarni yana-da chuqurlashtirish, axborot va media sohasida qo‘llanilayotgan tizimli yondashuvlar, ayniqsa, media subyektlarini rivojlantirish hamda raqamli jarayonlarni tezlashtirish masalalari atroflicha muhokama qilindi.
