Ayni paytda O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, turli OAV vakillari hamda O‘zbekistonning o‘ndan ziyod vazirlik va idoralari matbuot kotiblaridan iborat delegatsiya Ozarbayjonda bo‘lib turibdi.
Delegatsiya tarkibida ishtirok etayotgan Kadastr agentligi direktorining matbuot kotibi Ne‘mat Atamuratov Ozarbayjon Respublikasi Iqtisodiyot vazirligi huzuridagi Mulk masalalari davlat xizmati mas‘ullari hamda Davlat kadastri va ko‘chmas mulk reyestri tashkiloti raisi Nigyor Alimova bilan uchrashdi.
Uchrashuvda Ozarbayjon Respublikasida kadastr hujjatlarini rasmiylashtirish, ko‘chmas mulkni ro‘yxatga olish yo‘nalishida olib borilayotgan ishlar, shuningdek, ularni OAVlar orqali yoritish, jamoatchilik bilan aloqalarni o‘rnatishdagi tajribalar bo‘yicha fikr almashildi.
