O‘zbekiston Respublikasining jami yer maydoni – 44,9 million gektar. Shundan 94% yoki 42,3 million gektar yer UZKAD tizimiga kiritildi. 41,8 mln. gektar yer 1,6 millionta yerdan foydalanuvchilar kesimida davlat ro‘yxatidan o‘tkazildi.

Kadastr agentligi direktori o‘rinbosari Mirsaid Mirmaksudov ishtirokida o‘tkazilayotgan matbuot anjumanida bu haqida ma'lumot berildi. 

Toifalar kesimida raqamlashtirilgan va ro‘yxatdan o‘tkazilgan yerlar:

Qishloq xo‘jaligi yerlari – 24,1 mln. gektarning elektron xaritasi yaratildi, 23,8 mln. gektari davlat ro‘yxatidan o‘tkazildi.
Suv fondi yerlari – 1,1 mln. gektarning elektron xaritasi yaratildi, 1 mln. gektari ro‘yxatdan o‘tkazildi.
O‘rmon fondi yerlari – 11,1 mln. gektarning elektron xaritasi yaratildi, 11 mln. gektari ro‘yxatdan o‘tkazildi.
Tabiatni muhofaza qilish yerlari – 4,2 mln. gektarning elektron xaritasi yaratildi, 4,2 mln. gektari ro‘yxatdan o‘tkazildi.
Zaxira yerlari – 1,5 mln. gektarning elektron xaritasi yaratildi, 1,5 mln. gektari ro‘yxatdan o‘tkazildi.