Ayni damda, O'zbekiston Milliy matbuot markazi binosida “Kadastr agentligi Toshkent shahar hamda Toshkent viloyati boshqarmalari tomonidan 2024-yilning 8 oyida amalga oshirilgan ishlar” mavzusida matbuot anjumani o‘tkazilmoqda.

Kadastr agentligi Toshkent viloyati boshqarmasi tomonidan 2024-yilning o‘tgan 8 oyida jami 4 182 holatda 995,4 gektarda huquqbuzarlik holatlari aniqlangan, shundan 1 116 ta holatda yer qonunbuzilish holatlari joyining o‘zida bartaraf qilingan.

Toshkent viloyatida 01.08.2024 yil holatiga 792 mingta ko‘chmas mulk obyektlari hisobga olingan bo‘lib, xatlov natijalariga ko‘ra, mazkur Qonun 28 ming gektar yer maydonida qurilgan 334 mingta ko‘chmas mulklarga nisbatan tatbiq etilishi rejalashtirilmoqda.

Yer – strategik jihatdan eng muhim tabiiy resurslardan. Shuning uchun yerlardan maqsadli va samarali foydalanishda qonuniylikni ta’minlash davlatning ustuvor vazifalaridan biri sanaladi.

Hisobot davrida Toshkent shahrida yerga oid huquqbuzarlik sodir etgan 1 107 nafar shaxslarga ma’muriy jazo choralari qo‘llanildi.