Yer – strategik jihatdan eng muhim tabiiy resurslardan. Shuning uchun yerlardan maqsadli va samarali foydalanishda qonuniylikni ta’minlash davlatning ustuvor vazifalaridan biri sanaladi.

Kadastr agentligi Toshkent shahar boshqarmasi va uning tumanlardagi bo‘lim xodimlari tomonidan joriy yilning o‘tgan 8 oyi davomida poytaxtimiz hududida amalga oshirilgan yer va kadastr nazorati tadbirlari natijasida 2 114 ta holatda 55,2 gektar yerlarni o‘zboshimchalik bilan egallab olish bo‘yicha huquqbuzarliklar aniqlanib, berilgan yozma ko‘rsatmalar asosida 862 ta holatda 9,2 gektar yer qonunbuzilish holatlari ixtiyoriy ravishda bartaraf etildi. 1 010 ta holat yuzasidan sud organlariga da’vo arizalari kiritildi.

Jumladan,
Olmazor tumanida jami 245 ta holatda qariyb 7 gektar yer maydonini o‘zboshimcha egallash holatlari aniqlangan bo‘lib, shundan 59 ta (0,5 gektar) yer qonunbuzilish holati ixtiyoriy ravishda bartaraf etilgan.

Sergeli tumanida aniqlangan 226 ta (15 gektar) yer qonunbuzilish holatidan 78 tasi (1,07 gektar), Mirzo Ulug‘bek tumanida aniqlangan 218 ta (3,35 gektar) holatning 81 tasi (0,73 gektar) olib borilgan tushuntirish ishlari natijasida fuqarolar tomonidan ixtiyoriy bartaraf etilib, o‘zboshimchalik bilan egallangan yer maydoni avvalgi holatiga qaytarilgan.

Kadastr agentligi Toshkent shahar boshqarmasi boshligʻi o‘rinbosari - Shiddatbek Abdug‘afforov