💠Xabaringiz bor Kadastr agentligi hamda Davlat kadastrlari palatasi Andijon viloyati boshqarmasi boshliqlari va Komplayens-nazorat xizmati xodimi tomonidan boshqarmaning tuman, shahar bo‘limlarida faoliyat yuritib kelayotgan xodimlar o‘rtasida korrupsiyaga qarshi kurashish, obod-axloq qoidalariga hamda ijro-intizomiga rioya qilish bo‘yicha tanqidiy yig‘ilishlar o‘tkazib kelinayotgan edi.

Joriy yilning 23 iyun kunining 1-yarimida Davlat soliq qo‘mitasi huzuridagi Kadastr agentligining Komplayens-nazorat xizmati rahbari b.Shomansurov boshchiligidagi ishchi guruh Oltinko‘l tuman bo‘limi xodimlari o‘rtasidagi nosog‘lom muhitni yaxshilash va korrupsion omillarni bartaraf etish yuzasidan tanqidiy yig‘ilish o‘tkazdi.

Kunning 2-yarimida boshqarma markaziy apparatidagi va tuman, shaharlarda faoliyat olib borayotgan xodimlar ishtirokida ZOOM platformasi orqali tizimda korrupsiyaga qarshi kurashishi va unga olib keluvchi shart-sharoitlarni bartaraf etish hamda sog‘lom muhitni shakllantirish yuzasidan yig‘ilish o‘tkazildi.

Mazkur yig‘ilish yakunlari bilan bugungi kunda bo‘sh turgan ish o‘rinlarini malakali kadrlar bilan to‘ldirish va tizimda ishlovchi xodimlarni yashash sharoitlari bilan tanishib chiqish yuzasidan o‘zini takliflarini bildirib o‘tdi.

Shuningdek, tizimda ishlovchi 4 nafar rahbarlarga belgilangan tartibda ish tashkil qilmaganliklari hamda o‘z ishiga masʼuliyat bilan yondashmaganliklari sababli intizomiy jazo chorasi qo‘llash yuzasidan tegishli ko‘rsatmalar berildi.