Qoraqalpog'iston Respublikasi Qonliko‘l tumani aholisiga bayramga sovg'a sifatida yangi kadastr binosi foydalanishga topshirildi.
Kadastr agentligi va Davlat kadastrlari palatasi Qoraqalpog‘iston Respublikasi Qonliko‘l tumani bo‘limi va filialining yangi binosi ochilish marosimi bo‘lib o‘tdi.
Unda Qoraqalpog‘iston Respublikasi Jo‘qorg‘i Kengesining Raisi Amanbay Orinbayev so‘zga chiqib, yangi imorat foydalanishga topshirilishi munosabati bilan yig‘ilganlarni tabrikladi.
Taʼkidlab o‘tilganidek, so‘nggi yillarda mamlakatimizda hurmatli Prezidentimiz rahbarligida xalqimizning farovon turmushini taʼminlash borasida keng ko‘lamli ishlar amalga oshirilmoqda. Shu jumladan, Qoraqalpog‘iston Respublikasi uchun alohida qabul qilingan 119-sonli farmon bilan 27 mingdan ortiq, shundan, Qonliko‘l tumanida 140 ta uy-joylarda yashovchi fuqarolarning kadastr hujjatlari bilan bog‘liq muammosi o‘z yechimini topdi.
Foydalanishga topshirilayotgan yangi bino xalqimizga sifatli kadastr xizmatlarini taqdim etishga xizmat qiladi.
